Од денеска до 9 декември, Република Македонија ќе биде претставена како земја во фокусот на 24 издание на Меѓународниот саем на книгата во Пула, Република Хрватска. Ова е трето претставување на авторите од Република Македонија и нивното творештво на големите регионални и светски саемски манифестации, по успешното присуство на нашата земја на саемите во Франкфурт и Тирана.
Во рамките на програмата која е насловена како „Македонија чита“, пред хрватската јавност и посетителите од регионот, со финансиска поддршка на Министерството за култура, ќе бидат реализирани повеќе панели, работилници, дебати на кои ќе земат учество неколку автори како Никола Маџиров, Лидија Димковска, Елизабета Шелева, Артан Садику, Љуљзим Хазири и др, а посебно внимание ќе му биде посветено на творештвото на големиот Горан Стефановски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
