недела, 20 јануари 2019 | Вести денес: 0 ново

Шон Пен во Истанбул: Ќе снима документарец за убиениот новинар Џамал Кашоги (видео)

Американскиот глумец Шон Пен се наоѓа денеска во Истанбул, каде работи на снимање документарен филм за новинарот Џамал Кашоги, кој на 2 октомври е убиен во саудискиот конзулат во тој турски град.

Актерот, кој е добитник на два „Оскара“, пристигнал пред конзулатот, каде неговата екипа почнала со снимање.

Медиумите пренесуваат видео снимка на која се гледа Пен како разговара со камерманот пред оградата на турската полиција која спречува пристап до конзулатот.

Кашоги во дипломатското претставништво на Саудиска Арабија во Истанбул е убиен на 2 октомври, каде дошол по документи потребни за венчавка со турска државјанка.

извор МИА

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top