Во организација на Самостојниот синдикат на новинарите на Македонија (ССНМ) денеска напладне пред Владата на Република ќе се одржи протест на новинарите.
Како што се наведува во соопштението од ССНМ, од Владата ќе биде побарано на дело да покаже дека се залага за функционирање на секој сегмент на правната држава, особено кога во прашање е слободата на говор и физичкиот интегритет на новинарите.
Повод за протестот, како што стои, се заканите упатени кон претседателот на Здружението на новинари на Македонија Насер Селмани, од страна на висок партиски функционер на коалицискиот партнер во Владата ДУИ, Бекир Асани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
