Граѓаните од српска националност во северно Косово одржуваат денеска нов протест против одлуката на Владата на Рамуш Харадинај за воведување такси од 100 отсто на увозот на производи од Србија и Босна и Херцеговина, јави дописникот на МИА од Приштина.
На денешниот протест, како што информира Игор Симиќ, портпарол на најголемата партија на косовските Срби, Српската листа, ќе се приклучат и кошаркарите на белградски Партизан, кои денеска треба да одиграат пријателски меч со локалниот клуб Трепча.
Од воведувањето на таксите, на 21 ноември, во северниот дел на Косово се одржаа неколку протестни собири, градоначалниците на четири општини со мнозинско српско население поденсоа оставки, а локалните институции ја прекинаа комуникацијата со централните власти во Приштина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
