Народниот театар од Охрид вечерва (5 декември, вторник) со почеток во 20 часот, премиерно ќе ја изведе претставата „БААЛ“, работена по дело на Бертолд Брехт, а во режија на Андреј Цветановски…
-Претставата е приказна за борбата на поединецот со маските на општеството, битка со лицемерието и лажните морални вредности, но и дуел со самиот себе си, со својот внатрешен глас, со сите разговори со својата совест 5 минути пред да си легнеме, вели режисерот Андреј Цветановски.
Во претставата игра актерска епипа од Охридскиот театар и тоа: Горан Стојаноски, Никола Тодороски, Јасмина Билаловиќ, Адријана Билаловиќ-Тодороска, Дамјан Цветановски, Стрезо Стаматовски,Биљана Билаловиќ-Вељаноска, Павел Маслов, Филип Кипровски иТони Денковски.
Сценографијата на претставата ја изработи Сергеј Светозарев, костимографијата-Милена Пантелеева, музички композитор е Димитар Андоновски, а дизајнот на светлото е на Милчо Александров.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
