Нехуман третман на трудница: Гинеколог ѝ дал забранети вагиналети, бебето починало на ГАК, таа едвај спасена

Млада трудница во четвртокот навечер била донесена на Клиниката за гинекологија откако матичниот гинеколог ѝ дал вагиналети за да го умртви бебето кое било во осмиот месец на бременоста. Бебето починало веднаш, а лекарите одвај успеале да го спасат животот на трудницата, дознава НОВА од извори на клиниката. Вагиналетите кои ѝ ги дал матичниот лекар не биле регистрирани за употреба во државата.

Информацијата ја потврди директорката Викторија Јовановска.

-Точно е, екипата вложи натчовечки напори за да ја спаси трудницата, постоеше опасност и таа почине. Бебето почина веднаш“, изјави кратко за Нова ТВ Јовановска.

Таа тврди дека знаат за кој гинеколог станува збор и дека случајот го пријавилe во Министерството за здравство и во Државниот санитарен и здравствен инспекторат.

Од Министерството за здравство информираат дека за настанот известена била и полицијата.

-Министерството го разгледува и анализира и овој случај и во соработка со МВР ги презема сите неопходни чекори за целосно разрешување на случајот како и спречување на вакви случаи во иднина, информираат од МЗ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.