Новак Ѓоковиќ се пласираше во третото коло од Вимблдон, откако српскиот тенисер без многу мака стигна до победа над Адам Павлашек со максимални 3-0 во сетови. Чешкиот тенисер, моментно 136. на АТП-листата, немаше сили за посериозен отпор, па вториот носител со беспрекорна игра забележа лесна победа, изразена со преубедливи 6-2, 6-2, 6-1. Павлашек имаше само една шанса за брејк што не ја искористи, Ѓоковиќ беше успешен седум пати од укажаните 18 можности, за лесна победа и пласман во третата рунда, каде Србинот ќе се сретне со подобриот од дуелот Дел Потро – Гулбис.
Григор Димитров исто така лесно ја заврши својата задача во второто коло, триумфирајќи над Багдатис со 3-0 во сетови (6-3, 6-2, 6-1), а пласман во следната рунда обезбеди и Давид Ферер, откако Дарсис го предаде мечот по негатива од 0-3 во првиот сет.
На женскиот дел од турнирот, Кузнецова во руската пресметка ја совлада Макарова со 6-0, 7-5, а успешна беше и Американката Ванервеге, која славеше над Германката Марија со 6-4, 6-2.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
