Рафаел Надал и Новак Ѓоковиќ ќе играат меѓусебе во полуфиналето на Мастерсот во Мадрид.
Ова ќе биде нивни 50.ти меч, а Ѓоковиќ има подобар скор од 26:23 во победи и притоа има победи на последните седум мечеви, воедно тој е лански победник на овој турнир. Почетокот на полуфиналето е во 16 часот.
Инаку, Ѓоковиќ во четвртфиналето не одигра меч откако Кеи Нишикори поради повреда го предаде мечот, а Надал беше поуспешен од Давид Гофин со 7:6 (7:3) и 6:2 во сетови.
Во второто полуфинале ќе играат Доминик Тием и Пабло Куевас. Тием го совлада Борна Чориќ со 6:1 и 6:4 во сетови, додека Куевас беше подобар од Александар Зверев со 2-1 (3:6; 6:0 и 6:4 во гемови).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
