Поранешниот американски претседател Бил Клинтон пишува книга за Белата куќа

Поранешниот американски претседател Бил Клинтон го пишува својот прв трилер чие дејство е сместено во Белата куќа, објавија неговите издавачи.

Тој соработува со американскиот автор на бестселери Џејмс Патерсон за книгата „Претседателот исчезна“ (President is Missing) која треба да биде објавено во јуни 2018 година.

Книгата, како што се наведува, ќе им понуди на читателите едноставна комбинација од интриги, неизвесност и се она што се случува зад кулисите на глобалната драма од страна на највисоката власт. Ќе има инсајдерски детали кои само претседателот може да ги знае, наведуваат издавачите, а пренесува „АФП“.

Клинтон досега напишал неколку книги, а најпродавани се мемоарите „Мојот живот“ од 2004 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.