Вицепремиерот и министер за надворешни работи Никола Попоски го осуди насилството во Парламентот и истакна дека дијалогот е единствено одржливо решение за излез од кризата.
– Насилството во Парламентот мора да биде најостро осудено од сите. Заедно да бидеме обединети, никој да не поттикнува, уште помалку да практикува какво било насилство. Во овој момент мораме да се вратиме назад на процедурите, на основните демократски начела и воедно, да сфатиме дека единствениот начин на кој одржливо ќе излеземе од кризата е преку дијалог, меѓусебно разбирање и обединети против сите закани за Република Македонија, вели Попоски, кој во Малта учествува на неформалниот министерки состанок на шефовите на дипломатиите на ЕУ и земјите кандидати.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
