Македонската скијачка Лидија Симјановска не успеа да се пласира за велеслаломот на Светското првенство во Сент Мориц.
Нашата натпреварувачка во денешните квалификации го освои 46. место со време 2:24:92 минути. Двете велеслаломски трки ги завршија 61 скијачка, а стартуваа 75. Пласман обезбедија само 25. првопласирани. Шеснаесетгодишната Симјановска по првата трка беше на 48. место, воедно таа ќе настапи и во квалификациите за слаломот што ќе се одржи на 17. февруари (петок).
Македонија во Сент Мориц ќе ја претставуваат и шест скијачи во машка конкуренција: Антонио Ристевски (слалом и велеслалом), Лука Божиновски (слалом и велеслалом), Дардан Дехари (слалом), Воислав Синадиновски (слалом), Марјан Нашоку (велеслалом) и Виктор Петров (велеслалом). Сите ќе настапат во квалификациите, кои ќе се одржат на 16. февруари (велеслалом) и 18. февруари (слалом).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
