Бебе почина од труење со алкохол, мајката го доела пијана

Мајка ќе одговара за смртта на својот син, откако е утврдено дека бебето починало од труење со алкохол. Надлежните од рускиот град Прокопјевск утврдиле дека труењето било предизвикано од мајчиното млеко и дека мајката го доела пијана.

Истрагата утврдила дека мајката во текот на денот испила околу два литри пиво, го надоила синот и го ставила да спие. Утрото детето не покажувало знаци на живот, по што повикала брза помош, но лекарите само констатирале смрт.

Испитувањата на судска медицина покажале дека момчето починало од труење со алкохол, 26-годишната мајка ќе одговара пред судот за убиство од небрежност, за она што и се заканува казна од две години затвор.

Мртвото момче било трето дете во семејството.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.