Митровиќ: Ако не бев фудбалер ќе бев мафијаш или кик-боксер

Српскиот голгетер и член на Њукасл Јунајтед, Александар Митровиќ, во последниот период е еден од најдобрите фудбалери на Рафа Бенитез, а полека станува прво име и кај фановите на тимот од „Сент Џејмс Парк“.

Србинот во средата против Престон постигна феноменален гол што ја потврдува неговата форма, а вчера во рамките од Чампионшип со два гола беше творец на победата за својот тим на гостувањето кај Престон. Тој за британските медиуми истакна дека е многу среќен во овој клуб, како и откри што би бил доколку не се занимаваше со фудбал.

– Од самиот старт сум среќен во овој клуб. Тој ми е еден од омилените. Го следев Њукасл цел мој живот и како дете имав два дреса и сонував да заиграм на „Сент Џејмс Парк“. Се сеќавам и на дуелите против Партизан – вели Митровиќ и додаде:

– Татко ми мислеше дека ќе бидам криминалец или кик-боксер. Можеби ќе беше во право доколу не бев фудбалер, морав некако да го искористам вишокот на адреналин – се пошегува голгетерот на Њукасл.

Митровиќ оваа сезона има одиграно осум меча за Њукасл во кои постигна пет гола.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.