Солени цени од 3 илјади фунти, за да го следите збогувањето на Фергусон

Сер Алекс Фергусон за последен пат ќе го предводи Манчестер јунајтед од клупата против Вест Бромвич Албион во Бирмингем, а најголем ќар ќе имаат сопствениците на сезонските билети на ВБА. Тие почнаа да ги нудат своите места на стадионот во Бирмингем, а цените се солени и достигнаа вредност и до 3 илјади фунти. Поточно чинат 2500 фунти, но треба да се плати и данок.

„Како и секогаш ги замоливме сопствениците на сезонските билети да одредат разумни цени. Дел од нив не можат да присуствуваат на натпреварите, па ги продаваат билетите. Тоа не е ништо ново“, велат од ВБА.

Сите останати билети што беа во слободна продажба, се распродадени, но ВБА има голем број на симпатизери (40 проценти од капацитетот на стадинот), пшто имаат претплатни карти. Тие ги нудат на овластениот интернет провајдер, кој ги продава за нив. најефтините чинат 170 фунти без данок, а најскапите стасаа и до 2500 фунти, истотака без платен данок. Фергусон ќе се прости во Бирмингем на јубилејниот 1500-ти меч на клупата на Манчестер јунајтед.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.