Македонската фудбалска репрезентација останува на истата позиција на најновото рангирање на ФИФА листата. Нашата сениорска селекција и на денеска објавената ранг листа е на 139. место со 243 поени, еднакво како и на претходното јунско рангирање.
Од репрезентациите кои се во нашата квалификациска група за пласман на СП 2018, најдобро рангирана е Шпанија на осмата позиција, но назадуваше за две места, додека Италија запиша скок од две позиции, па сега е на 10. место.
Албанија реализираше скок од пет места, па во јули ќе биде на 37. место на ФИФА листата, а Израел е на 76. место (назадуваше за пет позиции). Лихтештајн, падна дури за 14 позиции, па сега е на 182. место.
На врвот е без промени на првите пет позиции. Аргентина е на врвот, пред Белгија, Колумбија, Германија и Чиле. Понатаму во Топ 10 следат Португалија, Франција, Шпанија, Бразил и Италија. Веднаш зад водечката десетка се Велс, Уругвај, Англија, Мексико и Хрватска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
