Бидете хумани донирајте за Најден

Денеска во Градскиот парк во Скопје, кај Школка за во 12.30 часот е закажана граѓанска донаторска иницијатива за бебето Најден, кое беше најдено со пресечен јазик во двор од куќа во селото Арачиново.

На донаторскиот собир ќе се собираат пелени, облека, козметика и сѐ што е потребно за бебето, кое се бореше за живот по грозоморниот чин на давење и на пресекување на јазикот. На настанот ќе му се приклучат и дел од учесничките на Женската трка, која истиот ден се одржува во Градскиот парк.

Според последните информации од Детската клиника, од одделот за интензивна нега Најден е подобро и викендов веројатно ќе биде симнат од апаратите. Тој сѐ уште е во инкубатор. Од МВР нема ништо ново во врска со откривање на злосторниците.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.