Денес претстои втората серија драми и превирања од петтиот круг на групната фаза на Лигата на шампионите. Секоја нова средба на турнирот можеме да очекуваме да ни донесе нова порција одлични емоции на терените на Европа.
Почетокот на фудбалскиот ден е со мечот Астана – Бенфика во Казахстан. Домаќините продолжуваат да ја пишуваат својата приказна и денес ќе бараат нов позитивен резултат. „Орлите“ сепак исто така имаат свои цели во битката за пласман во 1/8-финалето и излегуваат на терен за задолжителни три поени.
Во натпреварот од групата „Ц“ е интересно, бидејќи еден против друг застануваат вториот на табелата Атлетико Мадрид, против третиот Галатасарај. Турците мораат да бркаат победата на „Висенте Калдерон“, инаку нема да си обезбедат продолжување во турнирот.
Еден од највозбудливите натпревари вечерва е во групата „Д“ меѓу Јувентус и Манчестер Сити. Гостите во Торино веќе се сигурен учесник во 1/8-финалето, но и покрај тоа ќе играат за победа, за да се одмаздат за поразот во првиот натпревар на „Етихад“, но и за да си го обезбедат првото место во групата. Победата за Јуве пак би значела продолжувањето напред за бјанконерите.
Во другата средба меѓу Борусија (Менхенгладбах) и Севиља трите поени ќе бидат витални за гостите, ако сакаат барем теоретски да ја задржат шанса за продолжување напред. Домаќините практично го завршија своето учество на турнирот, но пак можат да се борат за третото место и за продолжување во Лига Европа на пролет.
Во група „Б“ ситуацијата е заплеткана. Секој од тимовите има реални шанси за пласман и ќе има борба за живот или смрт. Манчестер Јунајтед го дочекува на „Олд Трафорд“ ПСВ Ајнховен, додека во другата средба ЦСКА (Москва) е домаќин на Волфсбург.
Во групата „А“ работите во голема мера се веќе решени. Реал Мадрид веќе е осминафиналист и денес му гостува на Шахтјор (Донецк), кој гаи минимални надежи за втората позиција, но мора да постигне задолжителен успех и да се надева ПСЖ да победи како гостин на Малме. Евентуалната победа на парижаните, сепак ќе им обезбеди продолжување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
