Во Кавадарци починало бебе, наложена е обдукција

Утрово во 04.45 часот од ЈЗУ Здравствен дом Кавадарци во Полициска станица Кавадарци е пријавено дека кај нив е донесено починато бебе. Информацијата ја потврди портпаролката на СВР Велес, Анита Стојковска.

– По наредба на надлежен Јавен обвинител е излезено на самото место, се работи на целосно расветлување на настанот – соопшти таа.

Од Јавното обвинителство од Велес потврдија дека наложиле обдукција.

Од кавадаречката Брза помош изјавија дека бебето не давало знаци на живот и дека лекарот само ја констатирал смртта. Малечкото било однесено до кавадаречката општа болница од каде што пријавиле во полиција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.