Тркалезна маса за заштита на судиите од мешање во нивната независност

Во организација на Судскиот совет на Република Македонија денеска ќе се одржи втората тркалезна маса на тема: „Улогата на Судскиот совет и највисоките судови во заштита на судиите од мешање во нивната независност“.

На тркалезната маса, која ќе се одржи во просториите на Академијата за судии и јавни обвинители „Павел Шатев“, ќе присуствуваат судии и претставници на релевантни институции.

Воведно обраќање ќе има претседателот на Судски совет на РМ, Бранко Ушковски, а излагања во врска со темата судијата од Апелацискиот суд Гостивар Златко Ангелковски, судијата на Апелацискиот суд Штип Весна Накова Димитриевска, судијата на Основен суд Скопје 1 Скопје, Дијана Груевска Илиевска и судијата на Основен суд Скопје 2 Скопје, Антоанета Димовска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.