Најважните туристички и историски локалитети, како и природна убавина на земјата може виртуелно да се гледа на пребарувачот Гугл. Ова го овозможува денеска лансираната Стрит вју галерија во Македонија која опфаќа 360 панорамски слики.
Може да се види центарот на Скопје, Битола, Охрид, Маврово, Ростуша, Охридско Езеро…, а луѓето од целиот свет може да прават планови за патување, да ги проверат рестораните пред да пристигнат, да договорат место за средба или само да истражуваат и подобро да се запознаат со областа.
– Очекуваме корисниците на Гугл од Република Македонија и од целиот свет лесно да се движат низ земјава. Како што туризмот е една од најбрзо растечките економски сектори во Република Македонија и со зголемување на бројот на странските туристи за 16 отсто во 2015 година, очекуваме дека Гугл стрит вју ќе придонесе и за културниот, езерскиот, планинскиот, спортскиот, винскиот, археолошкиот, верскиот, руралниот и еко-туризмот, изјави заменик-минситерката информатичко општество и администрација Марта Арсовска Томовска.
Димитар Ѓеорѓиевски, директор на Дирекција за заштита на личните податоци вели дека како институција се убедени дека соработката со ентитети на податоците дека соработката со ентитети како Гугл во овој сегмент е силно утврдување во градењето цврст систем за заштита на податоците во земјата.
Локалните бизниси, исто така може да имаат корист од Стрит вју технологијата со бесплатно вградување на Гугл мапс директно во нивниот веб-сајт, помагајќи им да промовираат сместувачки опции или да информираат за рестораните, туристичките места и точки со историско и културно значење.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
