Државниот секретар за европски прашања на Франција, Харлем Дезир на денешната средба со министерот за надворешни работи Никола Попоски ја нагласил француската поддршка кон интеграцијата на Република Македонија во Европската унија, истакнувајќи дека верува во нејзината европска перспектива.
На средбата, како што соопшти МНР, се разговарало за развојот на внатрешно-политичките состојби во Република Македонија, исполнувањето на итните реформски приоритети, како и мигрантската криза со која се соочува цела Европа.
Министерот Попоски ја истакнал подготвеноста на сите политички актери за успешно спроведување на приоритетните реформи и политичкиот дијалог и ги реафирмирал македонските ставови за кредибилитетот на европската политика на проширување.
Еднодневната посета на Дезир, како што стои во соопштението на МНР, се искористи и за разгледување на статусот на билатералните односи меѓу Македонија и Франција, со акцент за интензивирање на политичкиот дијалог и развивање на франко-македонските односи преку интензивирање на економската соработка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
