Актуелениот фудбалски шампион Вардар, ја доби првата битка за титулата против еден од најсериозните кандидати за насловот оваа сезона, екипата на Шкендија.
Во израмнет натпревар во текот на сите 90 минути, избраниците на Гоце Седловски подобро се снајдоа во финишот од мечот и сосема заслужено се радуваа на првата победа во новата сезона.
Дербито се играше во Куманово на стадионот на Башкими, бидејќи теренот во Тетово не ги испилнува условите за прволигашки фудбал. Вардар поведе преку Филип Ивановски кој одлично се снајде по грешката на домашниот голман.
Во финишот на првото полувреме Шкендија израмни преку Марјан Радевски во 42 минута.
Во вториот дел главно се играше меѓу двата шеснаесетика, а во самиот финиш Вардар дојде до трите бода со евроголот на Бразилецот Фелипе во 85. минута и на Ромеро во самиот финиш од средбата преку брз контранапад.
Работнички дојде до првата победа сезонава во интересен дуел против Хоризонт Турново со 4-2. И „романтичарите“ до трите бода стигнаа во финишот со головите на Анене во 80. минута и на Јовановски во 90. минута.
Силекс и во второто коло дојде до трите бода, па сега е осамен лидер на табелата. Кратовци на домашен терен стигнаа до тримф над Брегалница од 1-0 со голот на Николче Ѓоргиев уште во 2. минута од средбата.
Прва прволигашка победа запиша тимот на Младост Царев Двор кој во Охрид славеше против Ренова со 2-1. Херој на Младост беше Благојче Маркоски кој постигна гол во 86. минута за конечен триумф.
Резултати ПМФЛ: Шкендија – Вардар 1-3, Работнички – Турново 4-2, Силекс – Брегалница 1-0, Младост Царев Двор – Ренова 2-1, Шкупи – Металург 0-0.
Табела: илекс 6 бода, Вардар 4, Шкендија 3, Хоризонт Т. 3, Работнички 3, Брегалница 3, Младост ЦД 3, Вардар 2, Шкупи 2, Металург 1, Ренова без бодови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
