Ракометарите на Вардар утринава отпатуваа за Веспрем на полуфиналниот натпревар од Ф4 завршницата на СЕХА лигата, но на списокот на патници ги нема Илија Абутовиќ, Матјаж Брумен и Тимур Дибиров.
Левото крило Тимур Дибиров има пукнати мускулни влакна на ногата, Матјаж Брумен пред последниот тренинг во Скопје се пожалил на висока температура, а Илија Абутовиќ има се уште повреда што не е целосно залечена. Со, цел да не се ризикува, и да им се остави доволно време за санирање на повредите, решено е тие тројца да останат во Скопје и тука да се подготвуваат и да примаат соодветна терапија.
И покрај отсуството на тројца стандардни ракометари во составот на Вардар, во нашиот табор се подготвени да одиграам максимално борбено и мотивирано, како и на сите досегашни натпревари. Тимот отпатува за Загреб од каде потоа ќе продолжи за Веспрем и ќе им се приклучи на Мешков, ППД Загреб и на Веспрем, годинешните полуфиналисти.
Денеска вардарци треба да имаат и тренинг во салата во која ќе го играат полуфиналниот натпревар со Мешков.
Полуфиналниот натпревар од Ф4 завршницата на СЕХА лигата меѓу Вардар и Мешков ќе се игра во петок во 17.45 часот.
Во второто полуфинале ќе играат ППД Загреб и Веспрем, откако хрватскиот првак во мечот за разигрување го победи Татран со 33-26.
извор: РК Вардар
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
