На прволигашките фудбалски терени низ Македонија денеска ќе бидат одиграни три средби од 6. коло, а две од нив ќе го понесат приматот дерби.
Најинтересно се очекува да биде на градското дерби меѓу Металург и Вардар екипи кои се на првите две позиции на табелата со идентичен број на бодови (11).
И во Кратово се очекува интересна битка. Силекс кој исто како Вардар и Металург има 11 бодови, а се наоѓа на третото место на табелата, го пречекува четвртопласираниот Пелистер.
Во последниот натпревар во Тетово, Ренова е домаќин на Брегалница.
Сите натпревари ќе започнат од 17 часот.
Вчера, Работнички ја победи Шкендија со 3:2, а колото ќе заокружено во понеделник со дуелот Тетекс Хоризонт Турново.
Табела: Вардар 11, Металург 11, Силекс 11, Пелистер 9, Шкендија 8 (+1), Работнички 7 (+1 натпревар повеќе), Ренова 5, Хоризонт Турново 4, Брегалница 3 и Тетекс 2.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
