Што е тоа кошарка? Прашањето се однесува на Данците, кои се комплетно незаинтересирани за квалификациските мечеви на нивната репрезентација за Евробаскетот 2015.
Утре Македонија ќе гостува во Хорсенс, во второто коло од групата Д за пласман на ЕП следната година, а во данските медиуми и спортски портали, нема ниту еден збор за пресметката меѓу Данска и Македонија.
Приоритет во Данска се фудбалот, ракометот и тенисот, а можеби и дебаклот од Белосрусија со 25 поени разлика ги олади Данците. Во кошарката слабо котираат, па оттаму можеби е и разбирлив слабиот интерес за мечот со Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
