Според бројките на заводот, бројот на новородени деца во четвртиот квартал од 2012 година, споредено со истиот период 2011 година е зголемен за 15% и изнесува 6.254. Бројот на починати пак е намален за 3,2 проценти.
На прво место место по број на новородени Албанчиња е Тетово со природен прираст од 112 луѓе (разлика меѓу новородени и починати). Чаир е на второ место каде имало 146 повеќе родени бебиња од албанската националност од регистрирани починати лица, или 23,7 проценти повеќе од минатата година. Зголемен позитивен прираст на албанската популација е регистриран и во Сарај со разлика меѓу новородени и починати од 130 (во 2011 година била 105), Студеничани со 84 (52), Струга со 78 (41), Куманово 107 (34), Желино 54 (37), Дебар 36 (19), Арачиново 42 (24) и Гостивар 51.
Додека во албанските општини се бележи позитивен раст, во општините каде мнозинство се Македонци продолжува да се бележи негативен прираст. На врвот на листата по негативен прираст е Битола каде што во последните три месеци од 2011 година имало 115 повеќе починати од родени, а во истиот период лани бројките се уште пострашни, минус 133.
Негативен тренд бележи и Карпош каде што има негативен прираст од 24 луѓе. Исто толку има и Охрид, а следуваат Кисела Вода со -10, Берово со -16, Богданци -15, Виница -16, Кратово -14, Ѓорче Петров со -6.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
