Капитенот на Манчестер Јунајтед Немања Видиќ вчера го одигра последниот натпревар на „Олд Трафорд“ против екипата на Хул.
Пред почетокот на мечот доби подарок од клупската легенда Боби Чарлтон, а по завршувањето на натпреварот им се обрати на навивачите.
– Пред се ви се заблагодарувам во име на сите играчи. За мене беше неповторливо искуство што воопшто бев дел од овој клуб. Тешко ми е сега да говорам кога сум преплавен од емоции. Благодарност до играчите, менаџерот, сите луѓе со кои работев, навивачите. Вие бевте фантастични во текот на сите овие години – рекол Видиќ.
Немања Видиќ во Манчестер јунајтед пристигна во 2005 година за седум милиони фунти од московски Спартак, а како централен дефанзивец на „црвените ѓаволи”, Видиќ освои 15 трофеии, одигра 299 натпревари и постигна 21 погодок.
Српскиот интернационалец од 1. јуни кариерата ќе ја продолжи во Интер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
