Ивица Обрван
Роден: 02.06.1966 година
Обрван е поранешн ракометар и хрватски ракометен репрезентативец. Неговата тренерска кариера ја започнал во 1999 година, како тренер на „Метковиќ“, потоа го предводеше тимот на „Горење“, исто така и екипата на „Медвешчак“. Денеска тој работи како тренер и селектор на македонската ракометна репрезентација.
Во неговата ракометна кариера Обрван може да се пофали со златен медал од Медитеранските игри во 1993 година, а исто така и со бронзен медал на Европското првенство во Португалија во 1994 година.
Во разговорот за Република Обрван вели дека верува во момците и во целиот колектив и е задоволен од досегашните подготовки и дека главната цел им е пласман во втората фаза.
– Во спортот никогаш не може да речете ние не го сакаме тоа или не можеме, секогаш морате да одите на победа. Таму каде што припаѓа репрезентацијата на Македонија и покрај сите тешкотии што ги имаме ќе се бориме за што подобар пласман, против сите ќе одиме на победа, сепак има четири или пет фаворити на првенството и мораме да кажеме дека Македонија не е помеѓу нив – вели Ивица Обрван.
Целиот разговор погледнете го на следниот линк на „Република ТВ“.
Слушнете ги предвидувањата и очекувањата на Филип Лазаров, Филип Миркуловски, Дејан Манасков, Гоце Георгиевски,
Ванчо Димовски, Никола Митревски, Немања Прибак, Борко Ристовски, Аце Јоновски, Бранислав Ангеловски и Влатко Митков.
Разговараше: Владо Оцевски
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
