Од почетокот на летната туристичка сезона при влезот во земјава од Грција во 25 случаи македонски државјани пријавиле украдени регистарски таблички од своите автомобили.
Исто така, пријавени се и четири случаи на оштетувања возила, односно на задната табличка на возилото со црн спреј била избришана ознаката „МК“ и во некои случаи било напишано „ГР“.
Најчесто, според Јанкулоска, кражбите се случувале во Ханиоти и во Неа Пори. Иако добар дел од кражбите се пријавени и во грчката полиција, досега МВР нема добиено никаква информација од грчките колеги за случаите.
– Немаме информација дека некои од овие случаи се разрешени – изјави Јанкулоска.
Петнаесет од македонските граѓани што пријавиле кражба или оштетување се од Скопје, а останатите од повеќе други градови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
