Долгометражниот игран филм „Враќање” по сценарио и режија на Кастриот Абдули вечер од 20 часот премиерно ќе биде прикажан во киното „Синеплекс“.
Продуцент на филмот е „Дарданиа филм“ од Скопје, копродуцент „Шкупи филм“ од Приштина. Финансиран е од Агенцијата на филм на Република Макеоднија и Косовскиот центар за кинематографија.
Филмот е приказна за млад албански емигрант и неговата девојка, Французинка, кои решаваат да го посетат неговото родно село во Македонија. Пријатното изненадување се претвора во големо разочарување кога неговите родители ќе ја дознаат вистинската причина за враќањето на синот.
Покрај филмски автори, актери и други учесеници во екипата од Македонија и од Косово, како гостин во филмот, во една од главните женски улоги, се појавува француската актерка Делфин Депардје, внука на актерот Жерар Депардје. Директор на фотографија е Владимир Самоиловски.
По вечерашната македонска и светска премиера, „Враќање” ќе се прикажува на редовниот репертоар на „Синеплекс“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
