ЈО: Настанот во кој почина едногодишно бебе е несреќен случај

Настанот во кој вчера почина едногодишно бебе кое падна од прозорец на зграда е несреќен случај, информираат од Јавното обвинителство.

„Основното јавно обвинителство Скопје веднаш по добивањето на информацијата за настанот ги презеде сите потребни дејствија. Утврдено е дека не постојат елементи на сторено кривично дело, односно дека станува збор за несреќен случај“, се вели во одговорот од ОЈО.

Бебе паднало низ скршен прозорец во зградата кај што живееле на улицата Архиепископ Доситеј во Скопје.

Детето со својата баба се симнувало по скалите на зградата, но во еден момент се отргнало од неа и низ скршениот прозорец на меѓуспратот паднало на висина од 2,5 метри. Тоа се здобило со скршеници на черепот и по операцијата во една од приватните болници им подлегнало на повредите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.