Лепа Брена неодамна прослави 35 години успешна кариера, а освен песните од новиот албум, пејачката на публиката и го претстави и документарецот „Годините на Слаткиот грев“, кој фрли светло на некои непознати детали од животот на Брена.
Таа откри што најмногу и недостига од времето кога била најголема југословенска ѕвезда, но и со кој животен удар се уште се нема помирено.
-Во принцип сум среќна и задоволна и кај мене се е отворено и транспарентно. Постојат работи кои се болни во мојот живот, заминувањето на моите родители, заминувањето на менаџерот Рака во 1993 година, распадот на една земја која даваше душевен мир на сите нас. Некому тоа не му одговараше, па таа земја се распадна со сплет на ужасни околности, па и ден денес се чувствуваат последици. Секогаш ќе ме боли тоа што моето дете беше киднапирано и што никогаш не е пронајден и казнет оној што тоа го направи. Тоа доволно говори во каков правен систем живееме – рекла Брена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
