Поранешниот прв светски рекет, Евгениј Кафелников минува низ тешки семејни проблеми поради неговата ќерка Олесија. Кафелников преку социјалните мрежи се пожали дека неговиот живот повеќе нема никаква смисла.
-Јас сум во пекол. Не се срамам овде да коментирам за ситуацијата. Јас сум виновен за се и кога ќе го сфатите тоа како родител тоа е најтешко од се. Но, не го заслужуваме тоа“ – напиша поранешниот руски тенисер.
Неговата ќерка Олесија која работи како фото-модел, неодамна поминувала низ турбулентен период во животот и посегнала по наркотици. Минатата година таа се бореше со анорексија, а кога полека и се нормализира животот, посегнува по дрога.
-Мојот живот повеќе нема смисла. Минатата година кога Олесија имаше 52 килограми бев среќен. Беше толку убава и конечно почна да изгледа како вистинска жена. А што се случува сега? Строго сум против такво нагло губење на тежината. За жал таа не ме слушаше, очаен е Евгениј Кафелников.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
