Обилни снежни врнежи ги зафатија синоќа централните региони на Европа, при што беше парализирано движењето на автомобилите на главните автопати, јавуваваат европските медиуми.
Big spring snow in Częstochowa, Silesian Voivodeship, Poland this morning! Report: World Weather / Nature pic.twitter.com/4LGROfSFVD
— severe-weather.EU (@severeweatherEU) April 19, 2017
Стотици возачи заглавија во сообраќајниот метеж, претежно во покраината Долна Австрија. Голем број сопственици на автомобили поради топлото време и летните температури во март побрзаа да ги сментат зимските со летни гуми и сега станаа заложници на снежната бура.
За неколку часа беше прекинато движењето и на дел од патот меѓу Санкт Полтен и Виена.
Heavy snowfall in Mariazell, Austria today, April 19! Report: Erika Hamza pic.twitter.com/pNPYLSqwEL
— severe-weather.EU (@severeweatherEU) April 19, 2017
Во едно од училиштата во градот Аланд брзата помош организира времен центар за преноќување на возачите на моторни превозни средства.
Невремето ги зафати и покраините Штаерска и Бургенланд, а во Виена врнеше снег помешан со дожд, кој засега не доведе до никакви проблеми во сообраќајот.
Метеоролозите предупредуваат дека не се очекува подобрување на ситуацијата во блиско време. Кон крајот на неделата во Долна Австрија и Штаерска температурите може да паднат и под нулата.
Во многу делови на Хрватска и Босна и Херцеговина падна снег, а според најавите на метеоролозите снег се очекува денеска и во Србија.
Serious winter scenes in Częstochowa, Poland this morning! Photos: meteomodel.pl pic.twitter.com/BxScf4sQhl
— severe-weather.EU (@severeweatherEU) April 19, 2017
Невреме проследено со снег и силен ветер зафати делови од Балканот и остатокот од Европа. Неочекуваниот снег го отежна сообраќајот во Босна и Херцеговина каде се задржа на улиците и предизвика одрон на земјиштето, додека во Сараево снегот предизвикал и проблеми со снабдувањето со вода.
Heavy (!!) snowfall in Sarajevo, Bosnia and Herzegovina this morning, April 19! Video: Bosnia Almuruj Land / @cyclone_rhodes pic.twitter.com/CnlKF7DYIB
— severe-weather.EU (@severeweatherEU) April 19, 2017
Во соседна Србија освен на планините, снег падна и на пониските места. Дневните температури беа значително пониски за овој период од годината, а според прогнозите, подобрување на временската состојба се очекува следната недела. Снегот ги погоди и континенталните делови на Хрватска. Брегот на Јадранско Море беше зафатен од поројни дождови и силен ветер, а на места имаше и бура.
Ситуацијата не е поинаква ни во Европа. На повисоките места во делови од Германија температурата достигна до -10 целзиусови степени. Врнежи од снег ги изненадија и жителите на Киев каде снежната покривка достигна 10 сантиметри, при што голем број на летови беа откажани.
It is snowing handkerchiefs over the M7 motorway in Hungary this morning! Video: Idoinfo.hu pic.twitter.com/HcXlpiD1Nf
— severe-weather.EU (@severeweatherEU) April 19, 2017
Снегот го отежна сообраќајот на автопатот кој ги поврзува Прага и Дрезден во пограничниот предел во планинскиот терен, каде снежната покривка достигна неколку сантиметри, а слична е состојбата и на истокот на Чешка. Невреме и заладување во овој дел на Европа се очекува до крајот на неделата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
