Откако лондончаните Кристал и Тери Дјук дознале дека никогаш нема да можат да имаат деца, си купиле кукла.
„Бебето“ што го нарекле Џорџ, е целосно направено од гума за да личи на вистинско, чинело 350 фунти. Сопружниците му испратиле и свои фотографии на уметникот кој ја изработил куклата, за таа да личи на нив.
Кристал во 2013 дознала дека е неплодна, поради што одреден период се борела и со депресија.
– Цел живот сакав дете, замислував како ќе изгледа… Се обидовме и да посвоиме. Ни кажаа дека нашиот стан е премал за дете, раскажува таа.
Идната година планираат да се обратат кај истиот уметник и – да го прошират своето семејство, но сега со „девојче“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
