Претставници од Агенцијата за промоција и поддршка на туризмот на Република Македонија (АППТ) ја презентираа Македонија пред повеќе од 30.000 посетители на третиот Меѓународен саем за туризам во Бања Лука.
– Целта на посетата на АППТ беше да се испита можноста за соработка на Македонија, со еден млад пазар. Агенцијата за туризам за време на овој саем оствари средби со Туристичката организација на Република Српска, Туристичка организација на град Бања Лука, Туристичка организација на Република Србија, Здружението на Македонци во Бања Лука (КДМ Вардар), министерот за туризам и трговија на Република Српска, Предраг Глухаковиќ и Александар Сеничиќ (ЅУТА), при што беше посочено дека Македонија за овој пазар би можела да биде атрактивна со средношколски екскурзии и специјализирани тури, соопшти Агенцијата за промоција и поддршка на туризмот на РМ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
