По обуките преку МЗ на Детската хирургија направени се 12 успешни операции на кила кај девојчиња со современ метод

На тригодишно девојче со лапароскопски хируршки зафат му е оперирана кила на Клиниката за детска хирургија. Тоа е најмладиот пациент што е опериран со современ метод, што овозможува брзо оздравување. Тимот на клиниката на чело со Тони Ристевски во последните пет месеци направил 11 успешни операции, пренесува „Канал 5“.

-Овој тип операција се прави низ една дупка низ папокот и на тој начин се прави подобро гледање на целиот дел дали на двете страни има кила. Естетски е многу подобро, нема класичен рез и заздравувањето е многу брзо, пациентот може веднаш да оди дома – вели Тони Ристевски од Клиниката за детска хирургија.

Методот за овој тип операции доктор Ристевски ја усовршил во Израел. За него е важно што со операцијата им се помага во иднина да немаат никакви проблеми. Родителите, чиишто девојчиња имаат ваков проблем преку системот „Мој термин“ може да закажат преглед на Клиниката за детска хирургија.

-Оваа програма ја добив преку Министерството за здравство и е непроценливо искуство. Еден месец бев во Израел, а преку вакви програми за овој тип операции бев и три месеци во Италија – вели д-р Ристевски.

Најчеста причина за вродена кила кај девојчиња е пушењето цигари на мајките во бременост, потврдуваат лекарите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.