Дождливото време донесе одрони на патиштата низ земјава, а од АМСМ информираат дека сообраќајот на сите магистрални и регионални патни правци низ земјава се одвива непречено, по претежно влажни коловози. Во клисурите се можни поситни одрони, особено на патните правци: Кочани – Делчево, Виница – Берово, Маврово – Дебар – Струга, Демир Капија – Удово и Катланово -Велес.
Екипите на Јавното претпријатие „Македонија пат“ редовно ги контролираат и одржуваат проодни сите патни правци.
Сообраќајот на патниот правец Гостивар – Кичево, преку мостот на 1,5 км пред Стража, е нормализиран и е прооден за сите видови возила.
Патниот правец Р-504 Ресен – Охрид преку националниот парк Галичица е прооден за сообраќај.
На патниот правец Гостивар – Маврово во близина на Ново Село поради реконструкција на мост, сообраќајот се одвива наизменично, по една коловозна лента регулиран со семафори.
Патниот правец Р-103 Неготино – Радовиш, односно Неготино – Штип преку Лакавица, поради оштетување на мостот бр.9 преку реката Вардар, целосно е затворен за сите видови сообраќај, како и за пешаци. Поради тоа, сообраќајот е пренасочен преку патниот правец Неготино – Криволак – Пепелиште и тоа само за лесни возила.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
