Во Домот на културата „Ацо Шопов“ во Штип, по повод 25 години од основањето на „Матица македонска“, од 9 до 13 март се одржуваат Саемски денови на македонската книга.
На љубителите на книгата од овој универзитетски град ќе им биде понуден широк спектар на изданија од повеќегодишната богата продукција на Матица.
Ќе бидат организирани промотивни активности на дел од истакнати македонски писатели со нивните најнови дела – Ристо Лазаров, Трајче Кацаров, Борче Панов, Доне Донев, Благој Самоников…
– Со организирањето на овој културен настан, „Матица македонска“ во соработка со Домот на културата, библиотеката „Гоце Делчев“ и книжарницата „Мист“ од Штип ја продолжува традицијата за приближување на македонската книга до читателите во нашата татковина, информира „Матица“.
Најавено е Саемот на книгата да го отвори градоначалникот на Штип, Илчо Захариев, а во чест на оваа манифестација со свои стихови ќе настапат десетина истакнати македонски писатели.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
