Ракометарите на Вардар вчеравечер го одржаа единствениот тренинг во салата „М.О.С.И.Р“ во Кјелце каде попладнево против истоимениот полски шампион ќе го одиграат мечот од 9. коло во ЕХФ Лигата на шампионите.
И двете екипи се надеваат на освојување на двата бода и повисок пласман во групата што би значело условно полесен противник во следната фаза.
Евентуална победа за Вардар би бил значаен чекор во борбата за второто место, истото се однесува и за Киелце кој исто како „црвено-црните“ има 10 бодови.
Тренерот Раул Гонзалес во Полска ги понесе 16-мината кои ќе можат најдобро да одговорат на предизвикот во овој момент, а меѓу нив не се Игор Карачиќ поради повреда и Петар Ангелов.
Натпреварот почнува во 16 часот.
Вардар на првиот дуел, одигран во Скопје славеше со 34:24.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
