Белорускиот тим Мешков Брест ќе му се спротивстави на Вардар во полуфиналето од завршниот турнир во СЕХА лигата. Предводени од одличниот Дмитри Камшик Брест беше многу подобар во второто полувреме и го победи Нексе од Нашице со 28-24. Камшик беше најефикасен со 8 погодоци, а веднаш зад него со 7 гола како најефикасен кај поразената екипа е Томислав Нуиќ.
Хрватскиот состав диктираше темпо во првото полувреме и постојано водеше, но на пауза за полувреме се замина во егал, со резултат 11-11. Клучната предност белорускиот тим ја создаде во 54. минута, кога Мешков поведе со недостижни 7 гола разлика, 26-19. Во второто полуфинале домаќинот Веспрем ќе игра со подобриот од дуелот меѓу Загреб и Татран Прешов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
