За да го спаси своето бебе, го даде сопствениот живот

Приказната за бремената кинеска презентерка која одлучила да ја одбие хемотерапијата за рак на матката, со цел да го спаси своето неродено синче трогна милиони луѓе ширум светот.

Кви Јуанјуан од Дженгджу, главниот град на провинцијата Хенан, почина точно после 100 дена од раѓањето на нејзиниот син Нианиа.

Таа во месец март дознала дека е бремена, но нејзината среќа била прекината кога дознала дека страда од последната фаза на малиген тумор.

За да не му наштети на нејзиното бебе, таа ја прекинала хемотерапијата што овозможило проширување на ракот.

Кога во септември состојбата и се влошила, била префрлена во болница, а со царски рез на свет бил донесен нејзиниот син Нианиа.

После тоа таа била на операција за отстранување на малигниот тумор, но веќе било предоцна. Нејзините шанси за излекување биле многу мали. Ја советувале да се врати дома и преостанатото време да се грижи за нејзиниот син.

Кви почина на 12.декември откако заедно со семејството прославија 100 дена од раѓањето на синот, традиција која се практикува во сите кинески фамилии.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.