Македонски Телеком и Т-Мобиле Македонија го официјализираа партнерството со најтрофејниот македонски спортски колектив, Вардар
На денешната заедничка прес-конференција, Македонски Телеком и Т-Мобиле Македонија и спортското друштво Вардар го официјализираа договорот за партнерство.
Со свеченото потпишување на договорот, играчите на трите клуба – машкиот и женски ракометен клуб Вардар и Фудбалскиот клуб Вардар ќе го носат знакот на светски реномираниот бренд.
Задоволството од соработката со Вардар, го изрази главниот извршен директор на Т-Мобиле Македонија, Жарко Луковски, истакнувајќи дека поддршката ќе биде присутна на сите настапи на домашните и странски лиги на клубовите на Вардар.
– Наша заедничка цел е да овозможиме што подобри услови за врвни спортски резултати – истакна Жарко Луковски.
– Заедно со Македонски Телеком и Т-Мобиле Македонија денес отвораме нови страници за Спортскиот клуб Вардар.
Поддршката на брендот кој е препознатлив насекаде во светот ќе ни даде дополнителен поттик за успех, како на домашните така и на странските терени – се надоврза Давор Стојаноски, извршен директор на ракометните клубови.
– Фудбалскиот клуб Вардар уште од 1947 година го понесе името Вардар и го врежа во историјата на македонскиот спорт. Пред него претстои нова иднина, многу натпревари пред домашната и интернационалната публика – изјави Самоил Симев – извршен директор на Фудбалскиот клуб Вардар.
На настанот беа присутни претставници на играчите на трите спортски клуба на Вардар, а воедно беа најавени и следните спортски настапи на клубовите на Вардар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
