Потресна исповед: Ми го убија бебето!

– Две бабици ми го стискаа стомакот за бебето да излезе побрзо. Кога бебето беше извлечено на сила имаше хематом на главата, модар врат и модринки по целото тело. Велеа дека ме губат и неколку пати ми даваа кислород. Неколку пати загубив свест. Беше ужасно -вака за српскиот Курир 21-годишната Тамара Станковиќ од Србија чие новороденче починало поради грешка на бабиците, ја раскажува својата страотна приказна.

Драмата се одвивала на 3-ти октомври наутро, по четири часот на Гинеколошко-акушерската болница во Алексинац.

Претходно, младата мајка 22 часа ја држеле под контрола. На сила и го дупнале водењакот, ја измачиле и неа и бебето, а потоа и покажале дека е мртво.

Не можела да гледа, но вели дека ја натерале. Бебето било тешко 3,390 килограми и долго 54 сантиметри.

По смртта на бебето е наредена обдукција. Се уште се чека на резултатите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.