Гостиварец со целото семејство заминал на џихад во Сирија

гихад

Гостиварецот со иницијали Б.Ф. е еден од повеќето Албанци од Македонија кои моментно се на боиштата во Сирија, а кој таму престојува од 2013 година заедно со семејството, објави порталот „Алмакос“.
Во веста се наведува дека тој бил економски добро ситуиран, поседувал бизнис во Гостивар. Kако прилог објавена е и фотографијата на која гостиварецот се гледа како пие чај заедно со Лавдрим Мухаџери, водачот на албанските џихадисти во Сирија и во Ирак. Под фотографиите пишува дека „лавот“ Лавдрим е жив.
Неодамна најпрвин курдска телевизија објави вест дека Мухаџери, кој е лидер на албанските џихадисти во ИСИС, е убиен, по што арапски медиуми објавија и фотографии на изрешетено лице за кое тврдеа дека е Мухаџери. Дали објавата на гостиварецот е точна не може да се потврди, како што не може да се потврди времето кога фотографиите се направени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.