Николиќ: Во „малата“ Македонија има осум здруженија на Срби, но немаат меѓусебна комуникација

Српскиот претседател Томислав Николиќ побарал од српската дијаспора да биде единствена на средба со иселениците во Австрија. Николиќ нагласил дека при посетите на странски земји немал многу можност да види слога меѓу Србите кои живеат во странство, а како особено негативен го навел примерот на „малата“ Македонија, во која, како што рекол, има осум здруженија на Срби, но не разговараат меѓусебно.

– Ве молам, бидете единствени! Преку вас другите ја ценат Србија – апелирал Николиќ до српските иселеници во странство.

Тој им порачал дека Србија наскоро ќе добие нова влада, која ќе биде посветена на европските интеграции, но и на соработка со сите пријатели во светот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.