Фудбалерите на Пелистер по серијата слаби резултати забележаа значајна победа на гостувањето против Турново. Иако настапија без петмина стандардни првотимци, битолчани со максимално дисциплинирана игра се радуваа на триумф од 0-2 на стадионот „Кукуш“.
„Црвено-црните“ и Ренова одиграа без голови, со што Вардар остана на првото место на табелата и по одигрувањето на ова коло.
Металург стигна до значајни три бода со победата над Шкендија, а херој на натпреварот беше Оливер Пеев, кој во второто полувреме два пати се запиша во листата на стрелци.
Еуромилк во пресметката на новите прволигаши славеше над Македонија ЃП со минимални 1-0, додека Брегалница ремизираше со Напредок (2-2).
Резултати: Еуромилк – Македонија ЃП 1-0, Ренова – Вардар 0-0, Брегалница – Напредок 2-2, Турново – Пелистер 0-2, Металург – Шкендија 2-0.
Табела: Вардар 25, Работнички 24, Металург 23, Ренова 22, Турново 21…
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
