„Марс Инсајт“ слета на Црвената планета (видео)

Леталото на НАСА, вредно 993 милиони долари „Марс Инсајт“ слета на Црвената планета. По седум месеци, беспилотното летало успешно се спушти на тлото на Марс.

Мисијата на леталото е да „ги слушне“ потресите на Марс со цел научниците да можат да ги откријат нејзините внатрешни тајни и да сфатат како се создала, што би требало да помогне во откривањето како се формирани останатите карпести планети, како и Земјата. Се смета дека тоа е местото каде што „Инсајт“ ќе има најголема шанса да ги собере саканите податоци за планетата: да ги истражи составот на тлото, геодетската активност, да ја измери температурата и слично. Сензорите ќе може да ги забие и до 5 метри во длабочината на црвената планета.

Беспилотното летало е лансирано уште на 5 мај од воздухопловната база Ванденберг во Калифорнија и ова е прв обид на НАСА да стигне до Марс по слетувањето на Кјуриосити во 2012 година. Оттогаш, сондата трпеливо се движеше кон својата цел, на рамнината Елизиум на Марс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.