Речиси цела година, 25 ангажирани лекари во кол центарот „Ало докторе“ работат без пари, објави „Сител“.
Од јануари досега не земале ниту денар, а неделно имаат повеќе од 5 илјади јавувања. Петмина од нив веќе се откажале од ангажманот бидејќи не сакаат да работат без финансиски средства. Револтираните специјалисти на здравствените власти им даваат рок од еден месец а им ги исплатат сите заостанати плати, или повеќе нема да дежураат.
- Работиме со ентузијазам, но повеќе не се издржува. Доколку до крајот на декември не бидеме исплатени, од први јануари 2019 никој од нас нема да доаѓа на работа и да одговара на повиците од граѓаните – изјавиле за „Сител“ ангажираните специјалисти во „Ало докторе“.
Од министерството за здравство велат дека со ребалансот на буџетот биле предвидени пари за Ало докторе и ќе ги регулирале заостанатите обврски. Но лекарите велат дека тоа ветување го добивале од јуни досега.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
