„Ало, докторе“ е навистина корисен и искористен од граѓаните

Вкуп­но 25 до­кто­ри 24 ча­са на ден од­го­ва­ра­ат на по­ви­ци­те на ма­ке­дон­ски­те гра­ѓа­ни на бро­јот 02 15 123 или уште поз­нат ка­ко „Ало, до­кто­ре“. За по­ве­ќе од две го­ди­ни, цен­та­рот брои по­ве­ќе од 140 ил­ја­ди ја­ву­ва­ња, од­нос­но не­дел­но се ја­ву­ва­ат ме­ѓу 1.200 и 1.500. Во одре­де­ни слу­чаи, ле­ка­ри­те на „Ало, до­кто­ре“ ус­пе­а­ле да спа­сат и жи­вот на мла­до мом­че кас­на­то од зми­ја.

– Бро­јот е ма­кси­мал­но иско­ри­стен од си­те. Ме­ѓу­тоа, нај­че­сто се ја­ву­ва­ат нај­ран­ли­ви­те, ста­ри­те ли­ца што, глав­но, жи­ве­ат са­ми, по­тоа са­мо­хра­ни ро­ди­те­ли. Во пер­и­од на ви­кенд и рас­пуст бро­јот се ко­ри­сти од мла­ди ли­ца, од адо­лес­цен­ти – ве­ли спе­ци­ја­лист д-р Тат­ја­на Ба­ев­ска–Вуч­ко­виќ, ди­ре­ктор­ка на Здрав­ствен дом – Скоп­је.

По­ви­ку­вач­ки­от цен­тар „Ало, до­кто­ре“ ра­бо­ти по­ве­ќе од две го­ди­ни. Кој го со­чи­ну­ва ти­мот што од­го­ва­ра на пра­ша­ња­та на па­ци­ен­ти­те?

БА­ЕВ­СКА-ВУЧ­КО­ВИЌ: Во сеп­тем­ври 2014 го­ди­на поч­на да ра­бо­ти по­ви­ку­вач­ки­от број 02 15 123 или цен­та­рот за ин­фор­ма­ции „Ало, до­кто­ре“, ед­на ед­но­став­на ала­тка во здрав­стве­ни­от си­стем ко­ја прв­пат доб­ли­жу­ва ва­ков вид здрав­стве­ни ус­лу­ги до гра­ѓа­ни­те на Ре­пуб­ли­ка Ма­ке­до­ни­ја. „Ало, до­кто­ре“ е сме­стен во ба­за­та на Ит­на­та ме­ди­цин­ска по­мош во Скоп­је, во бли­зи­на на по­лик­ли­ни­ка­та „Бу­ку­решт“. По­вр­зан е со дис­пе­чер­ски­от цен­тар на Ит­на­та ме­ди­цин­ска по­мош од Скоп­је при Здрав­стве­ни­от дом – Скоп­је, а про­е­ктот е ор­га­ни­зи­ран и се ан­га­жи­ра­ни над­вор од ра­бот­но­то вре­ме ко­ле­ги, спе­ци­ја­ли­сти, до­кто­ри, ме­ѓу­тоа, и пен­зи­о­ни­ра­ни ко­ле­ги кои ра­бо­тат 24 ча­са. До­се­га вкуп­но бро­и­ме 25 до­кто­ри, и тие се 24 ча­са до­стап­ни на гра­ѓа­ни­те на овој број ко­га има­ат по­тре­ба.

Да­ли бро­јот ста­на пре­поз­нат­лив?

БА­ЕВ­СКА-ВУЧ­КО­ВИЌ: Прв­пат ед­на ва­ква ус­лу­га се доб­ли­жи до гра­ѓа­ни­те. Бро­јот, на­ви­сти­на, ста­на пре­поз­нат­лив. До де­нес бро­и­ме по­ве­ќе од 140 ил­ја­ди. Не­дел­но, таа број­ка се дви­жи ме­ѓу 1.200 и 1.500 ја­ву­ва­ња, го­во­рат на­ши­те из­ве­штаи. Во пер­и­о­дот на одре­де­ни си­ту­а­ции и со­стој­би, ка­ко што бе­ше еле­мен­тар­на­та не­по­го­да со поп­ла­ви­те, зем­јо­тре­сот, по­тоа пер­и­о­дот на рес­пи­ра­тор­ни и гри­поз­ни со­стој­би, бро­јот рас­те и се дви­жи ме­ѓу 1.700 и 2.000 ја­ву­ва­ња не­дел­но. Про­се­кот, глав­но, е ме­ѓу 1.200 и 1.500 ја­ву­ва­ња. Ги сле­ди­ме по­тре­би­те на гра­ѓа­ни­те. При одре­де­ни си­ту­а­ции, ка­ко овие што прет­ход­но ги на­бро­јав, се зго­ле­му­ва бро­јот на ко­ле­ги­те што се во одре­де­на сме­на. „Ало, до­кто­ре“ е ед­но­став­на, но мно­гу ко­рис­на ала­тка. Во те­кот на 24 ча­са гра­ѓа­ни­те мо­же да до­би­јат со­од­ве­тен ме­ди­цин­ски со­вет, со­од­вет­на симп­то­мат­ска те­ра­пи­ја за одре­де­на со­стој­ба и струч­но ли­це да ги упа­ти што да пре­зе­мат по­на­та­му. „Ало, до­кто­ре“ ни­ту ле­ку­ва ни­ту ди­јаг­но­сти­ци­ра пре­ку те­ле­фон. Ед­но­став­но, се­кој чо­век во одре­ден мо­мент има по­тре­ба да се обра­ти на струч­но ли­це за да до­бие со­од­ве­тен со­вет.

Кој нај­че­сто се ја­ву­ва на 02 15 123?

БА­ЕВ­СКА-ВУЧ­КО­ВИЌ: Бро­јот е ма­кси­мал­но иско­ри­стен од си­те. Ме­ѓу­тоа, нај­че­сто се ја­ву­ва­ат нај­ран­ли­ви­те, ста­ри­те ли­ца што, глав­но, жи­ве­ат са­ми, по­тоа са­мо­хра­ни ро­ди­те­ли. Во пер­и­од на ви­кенд и рас­пуст бро­јот се ко­ри­сти од мла­ди ли­ца, од адо­лес­цен­ти. Илу­стра­тив­но, ед­на мај­ка што е са­ма до­ма, не мо­же да оти­де на ле­кар ако де­те­то има 40 тем­пе­ра­ту­ра, нај­ед­но­став­но ѝ е да го по­ви­ка овој број и да до­бие со­од­ве­тен со­вет. Или мла­ди­те, ако кон­су­ми­ра­ле по­ве­ќе ал­ко­хол, па не­ко­гаш не зна­ат или не мо­жат да се спра­ват, а срам им е или страв од ро­ди­те­ли­те, го ко­ри­стат овој број. Пред да се фор­ми­ра „Ало, до­кто­ре“, единс­твен број на кој мо­жеа да се ја­ват гра­ѓа­ни­те бе­ше тој на Ит­на­та ме­ди­цин­ска по­мош ка­ко пр­ва ли­ни­ја на здрав­стве­на ус­лу­га или со­вет. Со „Ало, до­кто­ре“ ус­пе­ав­ме за 30 про­цен­ти да го ос­ло­бо­ди­ме Дис­пе­чер­ски­от си­стем на Ит­на­та ме­ди­цин­ска по­мош од со­стој­би и си­ту­а­ции што не се за не­го. Два­та цен­три се по­вр­за­ни. Ако ко­ле­га­та од „Ало, до­кто­ре“ сме­та де­ка по­ви­кот е за Ит­на ме­ди­цин­ска по­мош, тој го пре­пра­ќа бро­јот и по­на­та­му се пре­зе­ма­ат ин­тер­вен­ции и обрат­но. Та­ка си по­ма­га­ме во си­сте­мот, да се си­сте­ма­ти­зи­ра­ат ра­бо­ти­те и бро­јот 194 да би­де рас­то­ва­рен би­деј­ќи тоа е служ­ба за ит­ни слу­чаи.

Кои се нај­че­сто по­ста­ву­ва­ни­те пра­ша­ња?

БА­ЕВ­СКА-ВУЧ­КО­ВИЌ: Про­ме­ни по­вр­за­ни со кли­мат­ско­то вре­ме, про­ме­ни на рас­по­ло­же­ни­е­то кои се по­вр­за­ни со кли­мат­ско­то вре­ме. Гра­ѓа­ни­те се ја­ву­ва­ат и за одре­де­на ди­јаг­но­стич­ка про­це­ду­ра, че­сто се ја­ву­ва­ат мла­ди мај­ки за да се кон­сул­ти­ра­ат за одре­де­на вак­ци­на, за ре­ак­ци­и­те што ги пре­диз­ви­ку­ва таа. Пе­ри­о­дот на ти­неј­џерс­тво и пу­бер­тет знае да би­де тур­бу­лен­тен, па ти­неј­џе­ри­те не­ко­гаш има­ат по­тре­ба да раз­го­ва­ра­ат со не­кој друг, а тоа да не е ро­ди­те­лот. Ток­му во таа на­со­ка мла­ди­те ни да­доа иде­ја – во те­кот на го­ди­на­та да офор­ми­ме по­се­бен по­ви­ку­вач­ки број во со­ра­бо­тка со МВР за мла­ди и адо­лес­цен­ти. Мно­гу е важ­но да зна­ат ка­де мо­же да се обра­тат за да во одре­де­ни си­ту­а­ции им по­мог­нат струч­ни ли­ца. Ста­ти­сти­ка­та по­ка­жу­ва де­ка нај­го­ле­ми­от број со­о­бра­ќај­ни не­сре­ќи, глав­но, се од мла­ди во ал­ко­хо­ли­зи­ра­на со­стој­ба.

Си­гур­но има и ин­те­рес­ни мо­мен­ти кои би мо­же­ле да ги спо­де­ли­ме со јав­но­ста. Во не­кол­ку си­ту­а­ции ти­мот на „Ало, до­кто­ре“ спа­сил лу­ѓе од си­гур­на смрт?

БА­ЕВ­СКА-ВУЧ­КО­ВИЌ: Има и та­кви си­ту­а­ции. Ед­на од нив е слу­ча­јот од ле­то­то 2015 го­ди­на. При пла­ни­на­ре­ње на двај­ца дру­га­ри во источ­на Ма­ке­до­ни­ја, ед­ни­от бил кас­нат од зми­ја. Тие би­ле при­лич­но од­да­ле­че­ни од гра­дот и од здрав­стве­на уста­но­ва. Се ја­ви­ле на „Ало, до­кто­ре“ и от­та­му до­би­ле со­вет ка­ко да по­ста­пат до сим­ну­ва­ње­то во гра­дот и ка­де мом­че­то да при­ми се­рум. На тој на­чин е спа­сен жи­вот на мла­до мом­че. Број­ни се слу­ча­и­те кај ро­ди­те­ли кои не се во мож­ност да дој­дат до ле­кар и се со­ве­ту­ва­ат ка­ко да се на­ма­ли тем­пе­ра­ту­ра­та на де­те­то. Мно­гу се страш­ни мо­мен­ти­те на кон­вул­зии или гр­че­ви кај де­ца­та, по­вра­ќа­ња, ди­ја­ре­ја, ко­га е мож­но де­те­то да де­хи­дри­ра. Има­ше слу­чај ко­га ста­ра же­на што жи­вее са­ма се по­па­ри­ла со вре­ла во­да, а ти­мот на „Ало, до­кто­ре“ ја со­ве­ту­ва ка­ко да по­ста­пи во та­ква си­ту­а­ци­ја. По та­кви си­ту­а­ции че­сто се слу­чу­ва дел од гра­ѓа­ни­те да се ја­ват и да се заб­ла­го­да­рат за по­мо­шта.

Што ја од­бе­ле­жи 2016 го­ди­на во „Ало, до­кто­ре“?

БА­ЕВ­СКА-ВУЧ­КО­ВИЌ: За вре­ме на поп­ла­ви­те им по­мог­нав­ме на мно­гу на­ши гра­ѓа­ни да до­би­јат со­од­ве­тен со­вет ка­ко да се спра­ват со пос­ле­ди­ци­те од поп­ла­ва­та. Во­о­би­ча­е­но по­ма­га­ме и спра­ву­ва­ње со пос­ле­ди­ци од топ­ло вре­ме. Сле­ду­ва­ше пер­и­од ко­га имав­ме не­кол­ку пос­ле­до­ва­тел­ни зем­јо­тре­си. Стра­вот и па­ни­ка­та си го на­пра­ви­ја сво­е­то и во тој пер­и­од беа мно­гу­број­ни ја­ву­ва­ња­та. Кра­јот на го­ди­на­та и по­че­то­кот на 2017 го­ди­на го од­бе­ле­жаа пос­ле­ди­ци­те од спра­ву­ва­ње со сту­де­но­то вре­ме. Не­ко­гаш до­стиг­ну­вав­ме и до 2.000 ја­ву­ва­ња во те­кот на де­нот. Искус­тво­то и ста­ти­сти­ка­та што ја има­ме по­ка­жу­ва­ат де­ка „Ало, до­кто­ре“ е на­ви­сти­на ко­ри­сен и иско­ри­стен од гра­ѓа­ни­те.

Кои се но­ви­ни­те што ги пла­ни­ра Здрав­ствен дом – Скоп­је?

БА­ЕВ­СКА-ВУЧ­КО­ВИЌ: Здрав­ствен дом – Скоп­је прет­ста­ву­ва нај­го­ле­ма јав­на здрав­стве­на уста­но­ва во Ма­ке­до­ни­ја и ја по­кри­ва те­ри­то­ри­ја­та на Скоп­је и окол­ни­те на­се­ле­ни ме­ста. Ста­ну­ва збор за 17 оп­шти­ни на ни­во на при­мар­на и се­кун­дар­на здрав­стве­на за­шти­та. Единс­тве­на е Ит­на­та ме­ди­цин­ска по­мош, де­вет де­жур­ни ноќ­ни пун­кта, и во таа на­со­ка ви­зи­ја­та на ме­на­џер­ски­от тим е да ги доб­ли­жи здрав­стве­ни­те ус­лу­ги до гра­ѓа­ни­те. Во из­ми­на­ти­те не­кол­ку го­ди­ни се отво­ре­ни но­ви 25 спе­ци­ја­ли­стич­ки ка­би­не­ти во по­лик­ли­ни­ки­те. Во 2016 го­ди­на има­ме се­дум но­ви спе­ци­ја­ли­стич­ки ди­јаг­но­стич­ки про­це­ду­ри кои се поч­на­ти во Здрав­стве­ни­от дом – Скоп­је, има­ме пре­зе­ме­но 35 спе­ци­ја­ли­сти од при­ват­но во јав­но здрав­ство. Си­стем­ски пра­ви­ме ра­ци­о­на­ли­за­ци­ја на здрав­стве­ни­те ус­лу­ги, го рас­то­ва­ру­ва­ме тер­ци­јар­но­то здрав­ство. Ми­на­та­та го­ди­на ја за­вр­ши­ме со 95 про­цен­ти на комп­лет­но обра­бо­те­ни на­ши па­ци­ен­ти на ни­во на се­кун­дар­на здрав­стве­на за­шти­та. Тоа зна­чи де­ка са­мо пет про­цен­ти од па­ци­ен­ти­те се пре­пра­те­ни на тер­ци­јар­но ни­во. Тоа ги скра­ту­ва ли­сти­те на че­ка­ње.

Раз­го­ва­ра­ше: Але­ксан­дра М. Бун­да­лев­ска

Фо­то: Але­ксан­дар Ива­нов­ски

снимател: Дејан Станчевски

(интервјуто е објавено во 235. број на неделникот Република кој излезе во печат на 3.03. 2017 годна)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.